अर्थतन्त्र

लेखनाथ, १० पुसकास्कीको लेखनाथमा पुस ३ गतेदेखि जारी २१औँ संस्करणको लेखनाथ महोत्सव किनबेचको केन्द्रबिन्दु बनेको छ। महोत्सवमा मनोरञ्जनका साथै घरायसी आवश्यकताका स्वदेशीदेखि विदेशी सामग्री सुपथ मूल्यमा उपलब्ध हुने भएकाले महोत्सवस्थल व्यापारिक केन्द्रका रूपमा विकसित भएको हो। दर्शकहरू रमाइलो अवलोकनसँगै आवश्यक सामग्री खरिद गरेर फर्कन थालेपछि व्यापारिक गतिविधि उल्लेख्य रूपमा बढेको आयोजक संस्थाले जनाएको छ। महोत्सव आयोजक संस्था लेखनाथ उद्योग वाणिज्य संघका कोषाध्यक्ष हरि वस्ताकोटीका अनुसार दर्शकहरूले घर फर्कँदा केही न केही सामग्री अवश्य किन्ने गरेकाले अघिल्ला दिनको तुलनामा व्यापार कारोबार… पुरा पढौ

पौष १०, हेमजा कास्कीको माछापुच्छ्रे गाउँपालिका–५, रिभानमा अवस्थित श्री निष्पक्ष माध्यमिक विद्यालयको ६४औँ वार्षिकोत्सव, अभिभावक दिवस तथा पुरस्कार वितरण कार्यक्रम बुधबार सम्पन्न भएको छ। विद्यालय व्यवस्थापन समितिका अध्यक्ष केशव गिरीको अध्यक्षता तथा माछापुच्छ्रे गाउँपालिका अध्यक्ष मीनबहादुर गुरुङको प्रमुख आतिथ्यतामा कार्यक्रम सम्पन्न भएको हो। कार्यक्रमलाई सम्बोधन गर्दै गाउँपालिका अध्यक्ष गुरुङले श्री निष्पक्ष माध्यमिक विद्यालयका पछिल्ला शैक्षिक गतिविधिहरू सुधारोन्मुख रहेको उल्लेख गर्दै गाउँपालिकाको समग्र शिक्षा क्षेत्रको आमूल परिवर्तनका लागि आवश्यकताअनुसार साझा धारणा बनाएर अघि बढ्नुपर्ने आवश्यकता औँल्याउनुभयो। त्यसैगरी गाउँपालिका उपाध्यक्ष सीता अधिकारीले… पुरा पढौ

पोखरा, पुस —१०पोखरा सडक महोत्सवअन्तर्गत कोमागाने पार्कमा हुने सांगीतिक उत्सवमा भाइरल गायक उज्ज्वल शाक्य पनि गुन्जिने भएका छन्। रेस्टुरेन्ट एन्ड बार एसोसिएसन (रेबान) पोखराको आयोजनामा पोखराको लेकसाइड क्षेत्रमा हुने पोखरा सडक महोत्सवको न्यू इयर इभ विशेष कार्यक्रम ‘हिट्स अफ नाइन्टिज’ अन्तर्गत पुस १६ गते बेलुका न्यू इयर इभमा अहिलेका भाइरल उज्ज्वल श्रेष्ठको ब्याण्डले लाइभ प्रस्तुति दिने रेबान नेपालका सञ्चालक शेरबहादुर गुरुङले जानकारी दिए। उनले ‘बेबी’, ‘राजमती चा’, ‘लुमन्ती’, ‘कुमारी’, ‘मतिनाया स्वाहा’, ‘लिक्कलिक्क’ लगायतका गीतहरू गुन्जाउने बताए। सो दिन न्यू इयर… पुरा पढौ

लेखनाथ, ८  पुस — कास्कीको लेखनाथमा जारी २१औँ लेखनाथ महोत्सवमा उद्योग, कृषि र संस्कृतिको प्रवर्द्धनलाई केन्द्रमा राख्दै उद्योग बहस कार्यक्रम सम्पन्न भएको छ। महोत्सवअन्तर्गत पहिलो पटक स्टेज कार्यक्रममार्फत उद्योगी, नीति निर्माता र उपभोक्ताबीच प्रत्यक्ष संवाद गरिएको हो। महोत्सवको छैटौँ दिन मंगलबार आयोजित उद्योग बहस कार्यक्रममा विभिन्न उद्योगी तथा व्यवसायीले आफ्ना व्यवसायिक अनुभव, संघर्ष र सफलताका कथा साझा गरे। कार्यक्रममा सहभागी वक्ताहरूले स्वदेशी उत्पादनको प्रवर्द्धन, ब्रान्डिङ र बजारीकरणमा जोड दिए। कार्यक्रममा गण्डकी प्रदेश उद्योग तथा पर्यटन मन्त्रालयका उद्योग महाशाखा प्रमुख महराज… पुरा पढौ

लेखनाथ, ८ पुसलेखनाथको पहिचान, स्थानीय उत्पादनको प्रवर्द्धन र आर्थिक चलायमानतासँग जोडिँदै आएको लेखनाथ महोत्सव हाल एकाइसौँ संस्करणमा आइपुग्दा केवल उत्सव मात्र नभई कृषि, उद्योग र संस्कृतिको साझा मञ्चका रूपमा स्थापित भएको छ । २०५९ सालमा “सुन्तला महोत्सव” का रूपमा सुरु भएको यो कार्यक्रम आज व्यापक स्वरूपमा विस्तार हुँदै स्थानीय समृद्धिको आधार बनेको छ । हाल लेखनाथमा जारी एकाइसौँ संस्करणको लेखनाथ महोत्सवले स्थानीय व्यापार व्यवसायलाई उल्लेखनीय रूपमा चलायमान बनाएको छ । महोत्सवको पाँचौँ दिन सोमबार स्टेज कार्यक्रमअन्तर्गत आयोजित कृषि बहस कार्यक्रमले… पुरा पढौ

काठमाडौं । यम शेर्पाको लेखन तथा निर्देशनमा बनेको चलचित्र ‘मिरमिरे’को शीर्ष गीत सार्वजनिक गरिएको छ । ‘मिरमिरे भो’ बोलको यस गीतमा प्रकाश सपूत र मेलिना राईको स्वर रहेको छ । गीतका शब्द तथा संगीत पनि प्रकाश सपूतकै हुन् । सार्वजनिक गीतमा युवा–युवतीबीचको प्रेम, पहिलो भेटपछिको आकर्षण र सुन्दरताले पार्ने प्रभावलाई चित्रण गरिएको छ । युवकको दृष्टिले युवतीमा पार्ने अनुभूति र युवतीको सौन्दर्यको बयान गीतमार्फत प्रस्तुत गरिएको छ । गीतको भिडियोमा चलचित्रका मुख्य कलाकार दयाहाङ राई, प्रकाश सपूत र सिर्जना निङलेखु… पुरा पढौ

ललितपुर, ६ पुस । सञ्चार तथा सूचना प्रविधिमन्त्री जगदीश खरेलले आगामी निर्वाचनमा राष्ट्रिय तथा राजनीतिक सहमति भए कम लागतमा इ–भोटिङको व्यवस्था गर्न सकिने धारणा व्यक्त गर्नुभएको छ । कम्प्युटर एसोसिएसन नेपाल महासंघ (क्यान महासंघ) ले शनिबार ललितपुरमा आयोजना गरेको ‘क्यान बी–टु–बी समिट २०२५’ लाई सम्बोधन गर्दै मन्त्री खरेलले सूचना प्रविधिको माध्यमबाट कम खर्चमा मतदानको व्यवस्था मिलाउन दबाब दिनुपर्ने आवश्यकता औंल्याउनुभयो । सञ्चारमन्त्री खरेलले भन्नुभयो, “सूचना प्रविधिको युगमा पनि अर्बौं रकम खर्च गरेर मतपत्र छापी मतदान गराउनुपर्ने, नाम्लो लगाएर दुई दिन… पुरा पढौ

ललितपुर, ५ पुस । नेपाल सरकारका प्रवक्ता तथा सञ्चार तथा सूचना प्रविधिमन्त्री जगदीश खरेलले नेपाललाई डिजिटल मार्गमा अगाडि बढाउने गरी सरकारले काम गरिरहेको बताउनुभएको छ । द स्टार्टअप नेटवर्क नेपाल र इन्डिया नेपाल सेन्टरको संयुक्त आयोजनामा शनिबार ललितपुरमा आयोजित ‘स्टार्टअप समिट–२०२५’ लाई सम्बोधन गर्दै मन्त्री खरेलले सरकार गठन भएको तीन महिनाभित्रै एआई नीति पारित गरिएको जानकारी दिनुभयो । उहाँले डिजिटल नेपाल निर्माणका लागि आवश्यक नीतिगत व्यवस्थाको तयारी भइरहेको समेत बताउनुभयो । सञ्चारमन्त्री खरेलले भन्नुभयो, “सूचना प्रविधिको विकास र डिजिटल नेपाल… पुरा पढौ

काठमाडौं, ५ पुस । सञ्चार तथा सूचना प्रविधिमन्त्री जगदीश खरेलले मोबाइल व्यवसायले देशको अर्थतन्त्रलाई चलायमान बनाउनुका साथै सामाजिक सम्बन्ध जोड्ने पुलको भूमिका निर्वाह गरिरहेको बताउनुभएको छ । नेपाल मोबाइल व्यवसायी सङ्घ काठमाडौंको दोस्रो अधिवेशन तथा तेस्रो साधारणसभा शनिबार काठमाडौंमा उद्घाटन गर्दै मन्त्री खरेलले मोबाइल व्यवसायमा लाखौं ‘जेन–जी’ युवा आबद्ध रहेको र यस क्षेत्रले देशमै ठूलो संख्यामा रोजगारी सिर्जना गरेको उल्लेख गर्नुभयो । मोबाइल व्यवसायीहरूले भोग्दै आएका समस्याहरू समाधान गर्न सरकार तयार रहेको उहाँको भनाइ थियो ।“तपाईं व्यवसायीहरूले मोबाइल व्यवसाय मात्र… पुरा पढौ

कास्की लेखनाथ, ५ पुसनेपाली समाजमा विवाहका अवसरमा बेहुलाको घरमा गाइने परम्परागत रत्यौली गीत लोप हुँदै जान थालेपछि त्यसको जगेर्ना गर्ने उद्देश्यले लेखनाथ महोत्सवमा हरेक वर्ष रत्यौली प्रतियोगिता आयोजना गरिँदै आएको छ। नयाँ पुस्तालाई यसबारे जानकारी दिन तथा लोकसंस्कृतिको संरक्षण गर्न प्रतियोगिता प्रभावकारी बन्दै गएको आयोजकहरूको भनाइ छ। दुलाहाका घरमा विवाहका अवसरमा बालिने शुभसूचक बत्ती कुर्न जम्मा भएका महिलाहरूले सामूहिक रूपमा गाउने गीतलाई रत्यौली भनिन्छ। जन्ती हिँड्नुअघि दुलाहाका घरमा गरिने कर्मकाण्डदेखि जन्ती प्रस्थान, दुलहीको घरमा हुने क्रियाकलाप र पुनः दुलाहाका घर… पुरा पढौ