शिक्षा

बागलुङ । राष्ट्रिय खोप कार्यक्रमलाई प्रभावकारी र गुणस्तरीय बनाउने उद्देश्यले प्रदेश जनस्वास्थ्य कार्यालय बागलुङको आयोजनामा खोप ढुवानीकर्ताका लागि एकदिने तालिम सम्पन्न भएको छ। सोमबार प्रदेश जनस्वास्थ्य कार्यालय बागलुङको सभाहलमा आयोजित तालिममा खोप तथा खोपजन्य सामग्रीको सुरक्षित ढुवानी, फिर्ता तथा उचित व्यवस्थापनका विषयमा प्रशिक्षण दिइएको थियो। खोप ढुवानीकर्ताको सीप तथा क्षमता अभिवृद्धि गर्ने, खोप खेर जाने दर न्यूनीकरण गर्ने, खोप सेवाका क्रममा उत्पादन हुने फोहोरको उचित व्यवस्थापन गर्ने र स्वास्थ्य सेवा प्रवाहका क्रममा हुन सक्ने संक्रमण नियन्त्रण गर्ने उद्देश्यले तालिम आयोजना… पुरा पढौ

बागलुङ। किशोरकिशोरीको यौन तथा प्रजनन स्वास्थ्य (ASRH) सम्बन्धी दुईदिने अभिमुखीकरण कार्यक्रम बागलुङमा सम्पन्न भएको छ। प्रदेश जनस्वास्थ्य कार्यालय, बागलुङको आयोजनामा कात्तिक १५ र १६ गते सञ्चालन भएको दोस्रो ब्याचको अभिमुखीकरण कार्यक्रममा विभिन्न स्थानीय तहका २० जनाको सहभागिता रहेको थियो। कार्यक्रममा प्रदेश जनस्वास्थ्य कार्यालयका जनस्वास्थ्य अधिकृत अनुशा शर्मा र समिता घिमिरेले सहजीकरण गर्नुभएको थियो। अभिमुखीकरणका क्रममा किशोरकिशोरीको यौन तथा प्रजनन स्वास्थ्यको महत्व, वर्तमान अवस्था र प्रमुख समस्या, परिवार नियोजन, यौनजन्य संक्रमण, एचआईभी/एड्स, सुरक्षित मातृत्व, बालविवाह, लैङ्गिक हिंसा तथा किशोरकिशोरीमैत्री स्वास्थ्य सेवाका… पुरा पढौ

कानुनले नरोकेको कुरा राजनीतिक संस्कारले रोक्नुपर्दैन? एमालेको केन्द्रीय समितिले २०८२ साउनमा पूर्वराष्ट्रपति विद्यादेवी भण्डारीको दलीय राजनीतिमा पुनरागमनलाई ‘संविधानको भावनाविपरीत’ ठहर गरेको थियो। तर, सोही पार्टीले असोजमा उनलाई ‘वरिष्ठ नेता’ बनायो र अध्यक्ष केपी शर्मा ओलीले नै शपथ गराए। यसका लागि विधानमै नभएको पद सिर्जना गर्न ‘अवरोध फुकाउने’ प्रावधान प्रयोग गरियो। आखिर बीचमा के बदलियो? संविधान बदलिएको छैन, तर्क पनि बदलिएको छैन। बदलिएको छ त केवल राजनीतिक शक्ति सन्तुलन। यही घटनाले एउटा गम्भीर प्रश्न उठाएको छ—हामीले संवैधानिक पदपछिको राजनीतिक पुनरागमनलाई सिद्धान्तको… पुरा पढौ

काठमाडौं । नेपाल सरकार, गृह मन्त्रालयले राष्ट्रिय निजी तथा आवासीय विद्यालय एसोसिएसन नेपाल (एन–प्याब्सन) को गतिविधि अर्को निर्णय नभएसम्मका लागि निलम्बन गर्ने निर्णय गरेको छ। गृह मन्त्रालयले २०८३ कात्तिक १३ गते सार्वजनिक सूचना जारी गर्दै राष्ट्रिय निर्देशन ऐन, २०१८ बमोजिम दर्ता तथा स्वीकृति लिएर सञ्चालनमा रहेको एन–प्याब्सनले मन्त्रालयबाट जारी निर्देशन पटक–पटक पालना नगरेको जनाएको छ। मन्त्रालयका अनुसार संस्थाले स्वीकृत विधान तथा संगठनको मूल उद्देश्यविपरीतका गतिविधिसमेत सञ्चालन गरेको पाइएको छ। यस विषयमा मन्त्रालयले २०८३ असार २३ गते सम्बन्धित पक्षसँग छलफल गरी… पुरा पढौ

काठमाडौँ । बंगालको खाडीमा विकसित चक्रवात ‘अनिब’को प्रभावका कारण कार्तिक १२, १३ र १४ गते गरी लगातार तीन दिनसम्म देशका विभिन्न प्रदेशमा भारी वर्षा तथा उच्च पहाडी र हिमाली क्षेत्रमा हिमपात, हिमआँधीको जोखिम हुन सक्ने भन्दै राष्ट्रिय विपद् जोखिम न्यूनीकरण तथा व्यवस्थापन प्राधिकरणले उच्च सतर्कता अपनाउन आग्रह गरेको छ। सम्भावित प्रतिकूल मौसमलाई ध्यानमा राख्दै किसानलाई धानबाली काट्ने र भित्र्याउनेलगायतका कृषि कार्य कार्तिक १२ गतेभित्रै सम्पन्न गर्न, उच्च पहाडी तथा हिमाली क्षेत्रमा अनावश्यक यात्रा नगर्न र मौसम प्रतिकूल हुँदा सुरक्षित स्थानमा… पुरा पढौ

काठमाडौं । लायन्स इन्टरनेशनल डिस्ट्रिक्ट ३२५ के नेपालकी रिजन चेयरपर्सन लायन रोजिता वस्तीले आफ्नो जन्मदिनको अवसरमा मानवसेवा आश्रम रानीवन, काठमाडौंमा भोजन सेवा गराएकी छन्। जन्मदिनमा हुने अनावश्यक खर्च कटौती गरी सामाजिक तथा मानवीय सेवामा समर्पित हुने उद्देश्यले सोमबार आश्रममा भोजन सेवा कार्यक्रम आयोजना गरिएको हो। लायन्स क्लब अफ काठमाडौं न्यू श्री मच्छापोखरीको आयोजनामा सम्पन्न कार्यक्रममा आश्रममा आश्रित व्यक्तिहरूलाई भोजन गराइएको थियो। लायन्सको ‘वी सर्भ’ अर्थात् ‘हामी सेवा गर्छौं’ भन्ने मूल भावनाअनुरूप जन्मदिनलाई सामाजिक सेवासँग जोड्ने प्रयासले मानवीय संवेदना, सेवाभाव र… पुरा पढौ

कुस्मा, पर्वत । पर्यटकीय आकर्षणको केन्द्रका रूपमा परिचित पर्वतको कुस्मास्थित अग्लो झोलुङ्गे पुलमा मोटरसाइकलको आवतजावत हुन थालेपछि पैदल यात्रुको सुरक्षाबारे प्रश्न उठेको छ। पैदल यात्रुका लागि निर्माण गरिएको पुलमा मोटरसाइकलसमेत चल्न थालेपछि यसको प्रयोग, व्यवस्थापन र सुरक्षाबारे चासो बढेको हो। झोलुङ्गे पुलको मुख्य उद्देश्य पैदल यात्रुलाई सुरक्षित रूपमा वारपार गराउनु हो। साथै, यस्ता पुलले पर्यटकीय आकर्षणसमेत बढाउने गरेका छन्। तर, पैदल यात्रु र मोटरसाइकल एकै समयमा आवतजावत गर्दा हिँडडुल गर्न असहज हुनुका साथै दुर्घटनाको जोखिम बढ्न सक्ने चिन्ता छ। विशेषगरी… पुरा पढौ

स्थानीय निर्वाचनको बहस : दलको छनोट, जनताको विवेक र शासनको परिणाम स्थानीय निर्वाचनमा सडक, खानेपानी, शिक्षा, स्वास्थ्य, रोजगारी र विकासका अनेकौँ प्रतिबद्धता सुनिन्छन्। उम्मेदवार घरदैलोमा पुग्छन्, दलहरू घोषणापत्र सार्वजनिक गर्छन् र मतदाताले आफ्ना अपेक्षा राख्छन्। तर यी सबै बहसको केन्द्रमा हुनुपर्ने एउटा आधारभूत प्रश्न प्रायः ओझेलमा पर्छ—स्थानीय सरकारलाई प्राप्त अधिकार, स्रोतसाधन र जिम्मेवारीलाई नागरिकको जीवनमा देखिने परिणाममा कसरी बदल्ने? नेपालको संविधान र स्थानीय सरकार सञ्चालन ऐन, २०७४ ले स्थानीय तहलाई नागरिकको नजिकको सरकारका रूपमा महत्त्वपूर्ण अधिकार र जिम्मेवारी दिएका छन्।… पुरा पढौ

बागलुङ । लायन्स क्लब अफ धौलागिरि बागलुङका अध्यक्ष मनोजकुमार श्रेष्ठ र पूर्वअध्यक्ष तालबहादुर कुँवरले आफ्नो जन्मदिनको अवसरमा हुने फजुल खर्च कटाएर मानवसेवा आश्रम बागलुङमा भोजन सेवा गरेका छन्। दुवै लायन्स लिडरले आइतबार (कात्तिक १गते) बागलुङ नगरपालिका–१ निरयघाटस्थित मानवसेवा आश्रममा पुगेर ४५ जना आश्रितहरूलाई एक छाक भोजन गराएका हुन्। जन्मदिनमा हुने अनावश्यक खर्चलाई सामाजिक सेवामा लगाउने उद्देश्यले भोजन सेवा गरिएको हो। व्यक्तिगत खुसीलाई असहाय, बेसहारा तथा सहयोगापेक्षी व्यक्तिहरूको सेवासँग जोड्दै उनीहरूले मानवता र सेवाभावको सन्देश दिएका छन्।लायन्स क्लब अफ धौलागिरि बागलुङले… पुरा पढौ

बागलुङ । प्रदेश जनस्वास्थ्य कार्यालय बागलुङको आयोजनामा क्षयरोग कार्यक्रमको कोहोर्ट विश्लेषण तथा योजना तर्जुमा कार्यक्रम सम्पन्न भएको छ। असोज २९ र ३० गते सञ्चालन भएको कार्यक्रममा आर्थिक वर्ष २०८२/८३ र २०८३/८४ मा हालसम्म पहिचान भएका क्षयरोगका बिरामीको अवस्थाबारे समीक्षा तथा विश्लेषण गरिएको थियो। कार्यक्रममा सहभागीहरूले बिरामीको अवस्थाबारे प्रस्तुतीकरण गरेका थिए। साथै, जिल्लाभरको समग्र अवस्थाको समीक्षा गर्दै आगामी दिनमा क्षयरोग नियन्त्रण कार्यक्रमलाई प्राथमिकताका साथ कार्यान्वयन गर्न आवश्यक योजना तयार गरिएको थियो। कार्यक्रममा क्षयरोगको रोकथाम तथा उपचारका क्रममा देखिएका समस्या, चुनौती र… पुरा पढौ