समाचार

बागलुङ । जिल्ला प्रहरी कार्यालय बागलुङको आयोजनामा सञ्चालित प्रहरी कर्मचारी लक्षित नागरिकमैत्री विशेष घुम्ती प्रशिक्षण तालिम सम्पन्न भएको छ। राष्ट्रिय प्रहरी प्रशिक्षण प्रतिष्ठान महाराजगञ्जको तत्त्वावधानमा सञ्चालित तालिमको समापन जिल्ला प्रहरी कार्यालय बागलुङका प्रमुख प्रहरी उपरीक्षक फणिन्द्र प्रसाईंको प्रमुख आतिथ्यतामा सम्पन्न भएको हो। जिल्ला प्रहरी कार्यालय बागलुङ तथा मातहत प्रहरी कार्यालय र गण्डकी प्रदेश विपद व्यवस्थापन गुल्म बागलुङमा कार्यरत प्रहरी कर्मचारीहरुलाई लक्षित गरि नागरिक मैत्री घुम्ति प्रशिक्षण तालिमको संचालन गरिएको प्रहरी प्रमुख प्रसाईले बताए । तालिमले प्रहरी सेवालाई थप नागरिकमैत्री, प्रभावकारी… पुरा पढौ

राष्ट्रिय लोक तथा दोहोरीगीत प्रतिष्ठान नेपालको अध्यक्षमा लोकप्रिय गायक पशुपति शर्मा निर्विरोध निर्वाचित हुनुभएको छ। लोकदोहोरी गीतमार्फत नेपाली मौलिक संस्कृति र जनजीवनलाई प्रस्तुत गर्दै आउनुभएका शर्माको नेतृत्वमा कलाकारको हकहित संरक्षण, नयाँ प्रतिभाको प्रोत्साहन र लोकसंगीतको प्रवर्द्धनमा थप योगदान पुग्ने अपेक्षा गरिएको छ। शर्माको निर्विरोध चयनले कलाकार समुदायमा उत्साह थपेको छ। उहाँलाई सफल कार्यकालको शुभकामना व्यक्त गरिएको छ। पुरा पढौ

बागलुङ । बागलुङका प्रविण आचार्य लोकप्रिय कविता प्रतियोगिता ‘द पोएट आइडल जुनियर’को फाइनलमा पुग्नुभएको छ। कवितामार्फत आफ्नो प्रतिभा प्रस्तुत गर्दै अन्तिम चरणसम्म पुग्न सफल आचार्यलाई विजेता बनाउन भोटको अपिल गरिएको छ। आफ्नो सिर्जनशीलता, शब्द चयन र भावनात्मक प्रस्तुतिका कारण दर्शक तथा साहित्यप्रेमीको ध्यान आकर्षित गर्न सफल आचार्यको फाइनल यात्राले बागलुङवासीमा खुसी र उत्साह थपेको छ। फाइनलमा पुगेका आचार्यलाई विजेता बनाउन बागलुङवासी, आफन्त, साथीभाइ, साहित्यप्रेमी तथा शुभचिन्तकलाई आधिकारिक मतदान प्रक्रियामार्फत भोट गर्न आग्रह गरिएको छ। नयाँ पुस्ताको प्रतिभा उजागर गर्ने ‘द… पुरा पढौ

काठमाडौं । गायक तथा प्रस्तोता राजेश बर्देवाले राष्ट्रिय लोक तथा दोहोरीगीत प्रतिष्ठान नेपालको ९औँ राष्ट्रिय महाधिवेशनमा केन्द्रीय सदस्य पदका लागि उम्मेदवारी दिएका छन्। लोकदोहोरी गीतसंगीतको संरक्षण, प्रवर्द्धन र कलाकारहरूको हकहितका लागि क्रियाशील बर्देवाले प्रतिष्ठानको बागलुङ जिल्ला कार्यसमिति, धौलागिरि अञ्चल कार्यसमिति तथा काठमाडौं उपत्यकाका विभिन्न समितिमा रहेर जिम्मेवारी निर्वाह गरिसकेका छन्। उनले धौलागिरि अञ्चल कार्यसमितिको सदस्य तथा सचिव, उपत्यका समन्वय अनामनगर समितिको सचिव र प्रथम उपाध्यक्ष तथा काठमाडौं समन्वय समितिको सञ्चार प्रमुखका रूपमा काम गरेका छन्। गायन तथा प्रस्तोताका रूपमा परिचित… पुरा पढौ

बागलुङ, असोज २३जिल्ला प्रहरी कार्यालय बागलुङ र सामुदायिक प्रहरी सेवा केन्द्र गुठीको आयोजनामा लागुऔषध न्यूनीकरणसम्बन्धी सचेतनामूलक प्रशिक्षण कार्यक्रम सम्पन्न भएको छ। बागलुङ नगरपालिका–२ स्थित अमर आदर्श माध्यमिक विद्यालयका कक्षा ११ र १२ का विद्यार्थीलाई लक्षित गरी आयोजित कार्यक्रममा जिल्ला प्रहरी कार्यालय बागलुङका प्रहरी उपरीक्षक फणिन्द्र प्रसाईंले प्रशिक्षण दिएका थिए। कार्यक्रममा लागुऔषधको जोखिम, यसबाट बच्ने उपाय तथा लागुऔषधविरुद्ध अपनाउनुपर्ने सावधानीबारे जानकारी गराइएको थियो। कार्यक्रममा सहायक प्रमुख जिल्ला अधिकारी गंगालाल सुवेदी, विद्यालयका शिक्षक–शिक्षिका, विद्यार्थी तथा प्रहरी कर्मचारीको सहभागिता रहेको थियो। पुरा पढौ

काठमाडौं । नेपाली लोक तथा दोहोरी गीत क्षेत्रमा स्थापित नाम हुन् सम्झना भण्डारी। मिठासपूर्ण स्वर, दोहोरी गायनको क्षमता र निरन्तर सांगीतिक यात्राले उनलाई पछिल्लो पुस्ताकी चर्चित लोकदोहोरी गायिकाका रूपमा स्थापित गरेको छ। लमजुङमा जन्मिएकी भण्डारीले काठमाडौंका दोहोरी साँझबाट आफ्नो सांगीतिक यात्रा सुरु गरेकी हुन्। पुतलीसडकस्थित बागलुङ कालिका दोहोरी साँझबाट व्यावसायिक गायन थालेकी उनले कुलेन्द्र विक, राजन ठकुरी, शिव हमाल र स्वर्गीय मञ्जु महतसँग सहकार्य गर्दै अनुभव बटुलेकी थिइन्। त्यसपछि गाउँबेँसी दोहोरी साँझमा पनि उनले गायनलाई निरन्तरता दिइन्। राति दोहोरी साँझमा… पुरा पढौ

बागलुङ । चर्चित लोक तथा दोहोरी गायिका तथा सर्जक टिका सानुले राष्ट्रिय लोक तथा दोहोरीगीत प्रतिष्ठान नेपालको ९औँ केन्द्रीय महाधिवेशनमा महिला तर्फ केन्द्रीय सदस्य पदका लागि उम्मेदवारी घोषणा गरेकी छन्। दाङको तुलसीपुरमा जन्मिएकी सानु लामो संघर्षपछि लोकदोहोरी क्षेत्रमा स्थापित नाम हुन्। करिब एक दशकदेखि गायन तथा लाइभ दोहोरीमा सक्रिय उनले सयौँ गीतमा स्वर दिएकी छन्। इन्द्रेणीलगायतका लोकप्रिय कार्यक्रममार्फत उनले दर्शक–श्रोतामाझ छुट्टै पहिचान बनाएकी छन्। उम्मेदवारी घोषणा गर्दै सानुले लोक संस्कृति संरक्षण, स्रष्टा–कलाकारको हकहित र प्रतिष्ठानको संस्थागत सुदृढीकरणका लागि काम गर्ने… पुरा पढौ

बर्दिबास, असोज २३ – राष्ट्रिय लोक तथा दोहोरीगीत प्रतिष्ठान नेपालका पूर्व अध्यक्ष तथा लोकदोहोरी क्षेत्रका अग्रज व्यक्तित्व चन्द्र शर्मा ‘संस्थागत सम्मान–२०८३’ बाट सम्मानित भएका छन्। महोत्तरीको बर्दिबासमा जारी प्रतिष्ठानको नवौँ राष्ट्रिय महाधिवेशन तथा रजत जयन्ती–२०८३ को उद्घाटन समारोहमा शर्मालाई सम्मान गरिएको हो। प्रतिष्ठानको संस्थागत विकास, लोकदोहोरी गीत–संगीतको संरक्षण, प्रवर्द्धन तथा कलाकारको हकहितका क्षेत्रमा पुर्‍याएको योगदानको कदर गर्दै उनलाई सम्मान प्रदान गरिएको जनाइएको छ। सम्मानस्वरूप शर्मालाई एक लाख रुपैयाँ नगदसहित सम्मानपत्र प्रदान गरिएको थियो। कार्यक्रममा विभिन्न कलाकार, संगीतकर्मी तथा शुभेच्छुकहरूको उपस्थिति… पुरा पढौ

काठमाडौं, असोज २३ । बुर्तिबाङ राइजिङ क्लबले हरेक वर्ष आयोजना गर्दै आएको कोजाग्रत पूर्णिमा मेला तथा पालिका कप–२०८३ यस वर्ष ढोरपाटन नगरपालिकासँगको समन्वयमा हुने भएको छ। क्लबले काठमाडौंको पुतलीसडकस्थित सिप एन्ड स्किलमा पत्रकार सम्मेलन गर्दै कात्तिक ९ देखि १८ गतेसम्म मेला आयोजना गर्न लागिएको जानकारी दिएको हो। मेलाको मुख्य आकर्षणका रूपमा पालिका स्तरीय पुरुष तथा वडा स्तरीय महिला भलिबल प्रतियोगिता, स्थानीय कला–संस्कृति झल्कने झाँकी तथा विभिन्न खेलकुद र सांस्कृतिक कार्यक्रम आयोजना गरिने क्लबका अध्यक्ष सुरज विश्वकर्माले बताए। पुरुष भलिबल प्रतियोगिताको… पुरा पढौ

बागलुङ । बडिगाड गाउँपालिका–७ टुनिबोटमा बोलेरो पिकअप जीप दुर्घटना हुँदा एक वर्षीय बालकसहित पाँच जना घाइते भएका छन्। बिहीबार दिउँसो करिब ३ः४० बजे रनसिङकिटेनीबाट शिखर हाइड्रोपावरतर्फ आउँदै गरेको प्रदेश ३–१–०२२ च ८८८५ नम्बरको बोलेरो जीप सडकबाट करिब १५० मिटर तल खसेर भीम खोलाको ढिकमा अड्किएको जिल्ला प्रहरी कार्यालय बागलुङले जनाएको छ। दुर्घटनामा जीप चालक स्याङ्जाको गल्याङ नगरपालिका–८ का ३० वर्षीय हिमाल श्रेष्ठ, दोलखा नगरपालिका–६ का ३५ वर्षीय रमेशकुमार जिरेल, बडिगाड–७ का २० वर्षीय अमृत पाइजा, करिब २० वर्षीय सन्दिप गुरुङ… पुरा पढौ