बैशाख ३० गते हुने स्थानीय तहको निर्वाचन आउन झण्डै दुई महिना बाकी रहदै गर्दा स्थानीय तहको नेतृत्व हात पार्नका लागि यतिबेला राजनीति पार्टीका नेताहरू राजनीति जोडघटाउमा छन् ।
बागलुङको ताराखोला गाउँपालिकामा नेतृत्व गर्नका लागि वर्तमान गाउँपालिका अध्यक्ष प्रकाश घर्ती यसपटक पनि आकांक्षी रहेको हिडन खबरलाइ बताउनुभयो ।
ताराखोलामा थुप्रै विकास निर्माणका काम गरेको र कतिपय काम अझै अधुरो रहेको हुँदा त्यसलाई पूरा गर्न र ताराखोलालाई नमुना गाउँपालिका बनाउन आफु यसपटक पनि दोहोरीन चाहेको ताउनुभयो ।
यस्तै नेपाल कम्युनिस्ट पार्टी माआेवादी केन्द्र गण्डकी प्रदेश सदस्य भबिकला रोका ,प्रदेश सदस्य नरेश केसी पनि ताराखोला गाउँपालिकाको अध्यक्ष पदको लागि सशक्त दाबी रहेको हिडन खबर लाई बताउनुभयो ।
यस्तै नेपाली कांग्रेसबाट पालिका अध्यक्षमा नेपाली कांग्रेस ताराखोला गाउँपालिकाका सचिव नवराज सुवेदी र नेपाल कम्युनिस्ट पार्टी एमालेबाट ऋषिराम रोका गाउँपालिकाको अध्यक्ष पदको लागि आकांक्षी रहेको हिडन खबरलाई बताउनुभयो ।
गत स्थानीय तहको निर्वाचनमा ताराखोला गाउँपालिमा नेपाल कम्युनिस्ट पार्टी माओवादी केन्द्रले एक्लै निर्वाचन जितेको कारणले यसपटक पनि निर्वाचन आफ्नो पक्षमा आउने आकल गरिरहेका छन् ।
यसपटकको निर्वाचनमा स्थानीय तहमा के कस्तो गठबन्धन हुने हो त्यसको अहिलेसम्म केही टुंगो लागिसकेको छैन ।
