जापानमा चैते दशै मेला २०२४ आयोजना हुने

-


     हिडन खबरदाता     
     माघ २० गते २०८० मा प्रकाशित


जापान/ बागलुङ समाज जापान र बिहुँकोट समाज जापानकोआयोजनामा चैते दशैंको अवसरमा चैत्राष्टमी मेला २०२४ हुने भएको छ ।

गण्डकी प्रदेशकै महत्वपूर्ण मेलाको रुपमा बागलुङ जिल्लामा परापूर्वकालदेखि सञ्चालन हुँदै आएको चैत्राष्टमी मेलाको झल्को दिनेगरी अप्रिल १४ तारिख आईतवार टोकियोमा संयुक्त रुपमा कार्यक्रम गर्नेगरी तयारी थालिएको बिहुँकोट समाज जापानका अध्यक्ष दिपक कंडेलले बताए ।

कार्यक्रम सम्पन्न गर्नकोलागी बागलुङ समाजका अध्यक्ष यमकान्त कंडेलको संयोजकत्वमा मुल आयोजक समिती गठन गरीएकाे छ ।

समितिको सदस्यहरुमा बिहुँकोट समाजका उपाध्यक्ष फडिन्द्र शर्मा सुबेदी र बागलुङ समाजका उपाध्यक्ष प्रकाश केसी रहनुभएको छ भने मेलाको सदस्य सचिबमा समाजका महासचिबहरु घनश्याम कंडेल (अर्जुन) र सचिन आचार्य रहनुभएको छ ।

आर्थिक ब्यवस्थापन उपसमितिको संयोजकमा बिहुँकोट समाजका उपाध्यक्ष टिकाराम कंडेल सदस्यहरुमा केशव सुबेदी र नारायण प्रसाद कंडेल रहनुभएको छ ।

यातायात ब्यवस्थापनामा दुई समाजका उपाध्यक्षहरु गुरु प्रसाद सापकोटा र रामु कंडेल रहनुभएको छ भने प्रचार प्रसार उपसमितिको संयोजकमा बागलुङ समाजका उपाध्यक्ष बिष्णु सापकोटा सदस्यहरुमा शिवलाल कंडेल, बसन्त आचार्य, रामु खत्री र खिमानन्द कंडेल रहनुभएको छ ।
त्यसैगरि अतिथी सम्मान तथा ब्यवस्थापना संयोजकमा बागलुङ समाजकी उपाध्यक्ष शोभा केसी (गीता) तथा सदस्यहरुमा बिना खड्का र मुना कंडेल रहनुभएको छ ।

राष्ट्रिय कलाकारको साथमा हुनलागेको साँगितिक कार्यक्रमलाई ऐतिहासिक रुपमा सफल बनाउन दुबै समाजका संरक्षक, सल्लाहकार जापानमा गठित जिल्ला भित्रका अन्य समाजहरुसँग समन्यव र सहकार्य गर्दै कार्यक्रम गरिन लागेको बाग्लुङ समाजका अध्यक्ष तथा कार्यक्रम मुल आयोजक समितिका संयोजक यमकान्त कंडेलले बताउनुभयो ।

कार्यक्रमबाट संकलित रकम मध्य केही प्रतिशन बागलुङ जिल्लाको कुनै परोपकारी क्षेत्रमा खर्च गर्ने गरी आयोजित कार्यक्रम टोकियोभित्र गरिने भएपनी स्थान र आमन्त्रित कलाकारको बारेमा भने निर्णय भएको छैन ।