स्थानीय तहको निर्वाचन बैशाख ३० गते हुने भए संगै स्थानीय तहको नेतृत्व लिनको लागि जिल्लामा नेपाली काँग्रेसका नेताहरू सक्रिय भएर लाग्न थालेका छन् ।
बागलुङको ४ वटा नगरपालिका मध्ये गलकोट नगरपालिकाको नगर प्रमुखको लागि नेपाली काँग्रेसका तर्फबाट ८ जना आकांक्षी देखिएका छन् ।
यस अघिको निर्वाचनमा बाम गठवन्धन विरुद्ध एक्लै लढेर चुनाब जितेको काग्रेस भित्र जित हात पार्ने दाउमा आकांक्षीहरुको संख्या धेरै छ ।
मेयरको लागि वहालबाला नगर प्रमुख भरत शर्मा गैरे,उपप्रमुख रेणुका काउचाले उम्मेदवारी दिने बताएका छन् ।
त्यस्तै नेपाली काँग्रेसका गलकोट नगर सभापति बीरजंङ्ग भण्डारी ,काँग्रेसका निर्वतमान जिल्ला कोषाध्यक्ष उमेश गौतम,नेपाली कांग्रेसका महाधिवेशन प्रतिनिधि मन्जेस बम मल्ल ,जिल्ला सहसचिव फम खत्री ,जिल्ला सदस्य मन्जु चालिसे , वडा नम्बर २ का वडा अध्यक्ष याम श्रीसले गलकोट नगरपालिकाको मेयरमा आकांक्षी रहेको हिडन खबर राजनीति ब्यूरो लाई जानकारी दिए ।
गत निर्वाचनमा सजिलोसँग जित हासिल गरेको नेपाली कांग्रेसले यसपटक नेपाल कम्युनिस्ट पार्टी माओवादी, एकीकृत समाजवादी र राष्ट्रिय जनमोर्चा सहितको राजनीति गठबन्धन भएको कारणले पनि निर्वाचन ढुक्क संग जित्ने भएको कारणले पनि नगरपालिका हाँक्ने आकांक्षी बढी पेचिलो हिसाबले लागेको देखिन्छ । पार्टीबाट टिकल लिनका लागि नेता भेटभाटमा लागेका छन् ।
