चिकित्सा शिक्षा ऐन संशोधनको माग गर्दै आन्दोलन
राजेशचन्द्र राजभण्डारी
सरकारले ल्याएको राष्ट्रिय चिकित्सा शिक्षा ऐन
विभेदकारी भएको भन्दै संशोधनकाे माग गर्दै
चिकित्सा शिक्षा सराेकार संर्घष समितिले २७ दिनदेखि आन्दोलन जारी राखेका छन् । देशमा भएका मेडिकल शिक्षालय संचालन हुन नसक्दा स्वास्थ क्षेत्र अस्तब्यस्त भएको भन्दै २७ दिनदेखि काठमाडौं माइतीघर मण्डलामा आन्दोलनमा जारी रहेको छ।
२७ आै दिनको आन्दोलनमा ऐक्यबद्धता जनाउँदै नेपाल नर्सिङ एशाेसियसनका पुर्व अध्यक्ष तारा पाेखरेलले देशमा भएको नर्सिङ कलेज बन्द गराएर सरकारले बिदेशी कलेज चलाउने भुमिका खेलिरहेको बताए ।
एकातिर अस्पताल लगायत स्वास्थ संस्थामा स्टाप नर्सकाे अभाव छ ६ जना बिरामी बराबर एकजना नर्स हुनुपर्नेमा ४० जना बिरामी बराबर एकजना नर्स हुदा कहाँबाट बिरामीले स्तरीय सेवा पाउछ नेपाल नर्सिङ एशाेसियसाका पुर्व अध्यक्ष तारा पाेखरेलले बताए । नेपाली नर्सकाे बिदेशमा समेत माग भएको दक्ष जनशक्ति भएको कारणले भएको हुदा देशमा जनशक्ति बनाउन सरकारले सहज वातावरण सृजना गर्नुपर्ने पाेखरेलले बताए ।
आन्दोलनलाई राजनीति पार्टी विभिन्न चिकित्सक संघ संस्थाको तर्फबाट पनि ऐक्यबद्धता जनाउने क्रम बढेर गएको छ ।अहिलेसम्म २० वटा विभिन्न राजनीतिक पार्टी र संघसंस्थाले ऐक्यबद्धता जनाइसकेका छन् ।
माइतीघर मण्डलामा आएर विभिन्न राजनीति पार्टी स्वास्थ्यकर्मी संघसंस्थाले अहिले भइरहेको चिकित्सा शिक्षाको बिषयमा आफ्नो धारणा राखेर सरकारले छिटोभन्दा छिटो समस्या समाधान गर्नुपर्ने धारणा राखेका राख्दै आएका छन् ।
देशको २२८ वटा टेक्निकल कलेजहरूले अहिले बिद्यार्थी भर्ना देखि पढाइ संचालन गर्न बाट बन्चित भएको हुदा आन्दोलन माग पुरा नभएसम्म जारी रहने चिकित्सा शिक्षा सराेकार संघर्ष समितिले जनाएको छ ।
धमाधम शिक्षण संस्था बन्द हुँदा भारतीय सीमा नाकामा भने धमाधम मेडिकल कलेज तथा शिक्षालय खुलिरहेको र सोहीमार्फत लाखौँ रकम बाहिरिएको संघर्ष समितिले दाबी गरेको छ ।
