अमेरिकी सहयोग परियोजना (एमसिसि) को बिरोधमा बागलुङमा र्याली गरिएको छ ।
नेपाल कम्युनिस्ट पार्टी(एकीकृत समाजवादी) निकट जनवर्गीय संगठनहरुको नेतृत्वमा बागलुङ सदरमुकाममा बाइक र्याली गरिएको हो ।
अमेरिकी सहयोग लोभमा नेपालको राष्ट्रियता नै खतरामा पार्ने गरि देखाइएको सहयोग नेपाल र नेपालीका लागि कुनैपनि हालतमा स्विकार्य नहुने कोणसभामा बोल्ने वक्ताहरूले धारणा राखेका थिय ।
नेकपा एकीकृत समाजवादीको पार्टी कार्यालय बाट सुरु गरिएको मोटरसाइकल र्याली बजारका मुख्य सडक हुँदै लोकतान्त्रिक चोकमा आएर कोणसभामा परिणत भएको थियो ।
कोणसभालाई सम्बोधन गर्दै पार्टिका जिल्ला अध्यक्ष लाल बहादुर थापाले नेपालको कानुन नै नजरअन्दाज गरिने गरि आएको अमेरिकी सहयोग सम्झौता स्विकार्य नरहेको बताए । नेपालको स्वतन्त्रता र सार्बभौमिकत्ता लाई ख्याल गर्दै केहि बुँदाहरु संसोधोन भएमा मात्र नेपालका लागि स्विकार्य हुने अध्यक्ष थापाको भनाइ रहेको ।
कोणसभामा पार्टीका जिल्ला सचिव भरत पुरीले खाए खा नखाए घिच भन्ने गरि आएको यो रणनैतिक सहयोग यथास्थितिमा नेपाल र नेपालीका लागी कुनैपनि हालतमा स्विकार्य नहुने बताए ।
र्यालीका सहभागिले No MCC, विदेशी हस्तक्षेप मुर्दाबाद, MCC खारेज गर, बिदेशी दलाल होसियार, सरकारलाई ५५ अर्बको खाँचो हो भने मेरो भागमा १८३३ रुपैयाँ पर्नेछ म २० जनाको भाग खप्टिन तयार छु तर MCC पास नगर सरकार, देश नबेच जस्ता प्लेकार्ड बोकेका थिए । कोणसभामा बोल्दै युवा संघ नेपाल बागलुङका अध्यक्ष प्रदीप जीसीले नेपालको कानुन नै उपहास हुने गरी सर्त राखिएको अमेरिकी सहयोग परियोजना एमसिसि बर्तमान अवस्थामा स्विकार्न नसकिने धारणा राखेका थिए । नेपालको रास्ट्रियता माथिनै खलल पुग्ने गरि राखिएका सर्तहरू परिमार्जन नभएसम्म एमसिसि कुनैपनि हालतमा पास हुन नदिने जीसीले बताए ।
अमेरिकाले ५५ अर्बको अनुदान सहयोग नेपाललाई दिने र त्यसको सम्झौतामा रहेका बुँदाहरु बाझिएमा नेपालको कानुन निष्कृय रहने भनेपछि देशभर यसको बिरोध भइरहेको छ ।
