वैज्ञानिक समाजवादी कम्युनिष्ट पार्टी नेपाल परित्याग गरी केन्द्रदेखि जिल्ला तहसम्मका नेतृत्त्वसहितका एकता पक्षधर नेता–कार्यकर्ताहरू नेपाली कम्युनिष्ट पार्टीमा समाहित हुने भएका छन्। आज दिउँसो ४ बजे पार्टी केन्द्रीय कार्यालय पेरिसडाँडामा आयोजना हुने कार्यक्रममा उनीहरू औपचारिक रूपमा नेपाली कम्युनिष्ट पार्टीमा प्रवेश गर्ने कार्यक्रम तय भएको छ।
वैज्ञानिक समाजवादी कम्युनिष्ट पार्टीकी केन्द्रीय सदस्य तथा कार्यालय एवं सचिवालय सदस्य धनकुमारी सुनारको नेतृत्वमा, केन्द्रीय प्रबुद्ध समिति सल्लाहकार सदस्य गणेश रसाइली, केन्द्रीय सदस्य तथा महिला संगठन सुदूर प्रदेश संयोजक यसोदा बराल, कैलाली जिल्ला पार्टी सदस्य तथा जात व्यवस्था उन्मूलन मोर्चा जिल्ला संयोजक विक्रम सुनारलगायतका नेताहरू नेपाली कम्युनिष्ट पार्टीमा समाहित हुनेछन्।
त्यस्तै, तुलसी परियार, प्रिया बराल, दिपा राना, हेमा सुनार, संगीता सिजापति, करीता सिजापति, सुमित्रा खाति, शर्मिला जिजार, कमला पिसी तथा कञ्चनपुर जिल्ला महिला संगठन संयोजक रीता नेपालीसहितका अन्य नेता–कार्यकर्ताहरू पनि पार्टीमा समाहित हुने कार्यक्रम रहेको छ।
उनीहरूलाई पार्टी संयोजक पुष्पकमल दाहाल ‘प्रचण्ड’ र सह–संयोजक माधव कुमार नेपालले स्वागत गर्नेछन्।
