भिजिट भिसाको नाममा,
देश छोड्छन् दिनैभरि,
सयौं युवाहरु उड्छन्,
सपना बोकी मुटु भरी।
विमानस्थलमा ठेके हुन्छ,
मानव बेच्ने मेलै लाग्छ,
दलालहरूको सेटिङमा,
लाखौं रुपैयाँ सिधै बग्छ।
बाहिर लेख्छन् ब्यानरमा —
“समृद्ध नेपाल, सुखी नेपाली”,
भित्रैभित्रै चल्छ सौदा,
जताततै लोभ, धाँधली।
नेताको मुखमा धर्मको कुरा,
सदाचारकाे पाठ पढाउँछन्,
तर आफैं डुबेका छन्,
भ्रष्टाचारमा रमाउँछन्।
धाेती खुस्केको छ झारो,
नाङ्गो सत्य देखिन्छ साफ,
तर पनि छेउ लाग्दैन,
लाज न शर्म, छैन कुनै माफ।
यो राजनीति कुन बाटोमा?
कहाँ गयो सरकारको सोच?
संस्कार र संस्कृति बोकेर,
देशै भयो आज निराश।
