बागलुङ कार्तिक २६
बागलुङको जैमिनी नगरपालिकामा सोमबार बिहान पीकअप जीप दुर्घटनामा मृत्यु हुनेहरूकाे पहिचान खुलेको छ । ग २ च ९२४७ नम्बरको पीकअप जीप दुर्घटना हुँदा ५ जनाको मृत्यु भएको थियोे ।
जिप चालक जिल्ला बागलुङ जैमिनी न.पा.०८ केवई बस्ने बर्ष अं. ३८ को महेन्द्र पुन ८ बस्ने बर्ष अं. २० बर्षकी रश्मी श्रीष वडा नम्बर ८ कै बर्ष अं. ५० की नन्दकली पुन बर्ष १७ को निरज श्रीष बर्ष अं.७५ को कुल प्रसाद श्रीष रहेको जिल्ला प्रहरी कार्यालय बागलुङका सुचना अधिकारी बिजय यादवले बताए ।
जिल्ला बागलुङ जैमिनी न.पा.०८ केवई बस्ने बर्ष अं. ४५ को गंगा बहादुर श्रीष शरिरको बिभिन्न भागमा चोट अवस्था उद्वार गरि उपचारको लागी धाैलागिरि अस्पताल बागलुङ ल्याइएको छ ।
जैमिनी नगरपालिका–८ छिस्तीदेखि बागलुङ तर्फ आउँदै गरेको पीकअप जीप छिस्ती र जैदीको सिमा ढुङ्गाखानी नजिक दुर्घटना भएको थियो ।दुर्घटनाको कारण भने अहिलेसम्म खुलेको छैन ।
