स्थानीय तहको निर्वाचन आउन ४० दिन बाँकी रहँदै गर्दा बागलुङ नगरपालिका वडा नम्बर १३ पैयुंपाटाकाे वडा अध्यक्ष बन्नकाे लागि स्थानीय नेताहरूको दौडधुप बढेको छ ।
बागलुङ नगरपालिका भित्र नेपाली काङ्ग्रेसको जनमत बढि भएको वडा मध्ये पर्ने पैयुँपाटामा काङ्ग्रेसबाट वडा अध्यक्ष बन्न ४ जना आकांक्षी देखिएका छन् ।
२०७४ सालको स्थानीय निर्वाचनमा नेपाली कांग्रेसले जित हासिल गरेको वडामा यस पटक हालका वडा अध्यक्ष नारायण पाैडेलले नगर प्रमुखमा आकांक्षी रहेकाले आगामी बैशाख ३० निर्वाचनमा वडा अध्यक्ष बन्न नेपाली कांग्रेसका ४ जना आकांक्षी देखिएका छन् ।
वडा अध्यक्षमा नेपाली कांग्रेस वडा नम्बर १३ का सभापति चन्द्र बहादुर केसी, नेपाली कांग्रेस बागलुङ नगर समितिका उप-सभापति नारायण पाैडेल, ट्रेड युनियन काङ्ग्रेस गण्डकी प्रदेश उपाध्यक्ष रामप्रसाद अधिकारी र क्षेत्रीय प्रतिनिधि दुर्गा बहादुर बाेहाेरा क्षेत्री आकांक्षा रहेको जनाइएको छ ।
बागलुङमा यस पटकको स्थानीय तहको निर्वाचनमाे नेपाली कांग्रेस, माआेवादी केन्द्र, राष्ट्रिय जनमाेर्चा, एकीकृत समाजवादी र जनता समाजवादी पार्टी बिच चुनावी गठबन्धन गरेर जान निर्णय भएर कार्यदल समेत बनेपछि चुनावी महोल बढेको देखिन्छ ।
