मेरो जिन्दगीमा उनले गरेको घुमफिर कस्ले देख्यो र
मुटु टुक्राएर निस्किए सि मुटुको चिर कस्ले देख्यो र
बाहिर हासेको , रमाएको खुसी देखेर दुनियाँ जल्छन्
भित्र मनमा सल्किएको आगो झै पिर कस्ले देख्यो र
हिजो संसार घुमे झै, चुली चुमेझै आभाष गराएको उनले
आज उनकै कारण यो झुकेको मेरो शिर कस्ले देख्यो र
सबैले समतल र सुन्दर देखेका थिए हाम्रो प्रेमको परिवेश
बिडम्बना, हाम्रो प्रेम लडाउने कठिन भिर कस्ले देख्यो र
शान्त,सालिन र निर्दोष देखिने ती नयन र अनुहार बाट
म माथी प्रहार भैइरहेको धोकाको तिर कस्ले देख्यो र?
