नयाँ भवनबाट ग्राहकलाई अत्याधुनिक सेवा शुरू
बागलुङ ।नेपाल कै सबैभन्दा पुरानो बैंक नेपाल बैंक लिमिटेड बागलुङ शाखाकाे नवनिर्मित भवनको उद्घाटन तथा नवनिर्वाचित जनप्रतिनिधिहरूलाइ सम्मान तथा बधाई ज्ञापन गरियो ।
२०१७ साल माघ ४ गतेदेखि नागरिक लाई बित्तिय सेवा दिदै आएको शाखाकाे आफनै सुविधा सम्पन्न भवन सम्पन्न भएपछि
बागलुङ नगरपालिकाका नगर प्रमुख बसन्त कुमार श्रेष्ठ र नेपाल बैंक लिमिटेडका प्रमुख कार्यकारी अधिकृत कृष्णबहादुर अधिकारीले संयुक्तरूपमा उद्घाटन गर्दै पुरानो भवनबाट झण्डै ६ दशक सेवा दिएको बैकले आफ्नै सुविधासम्पन्न भवनबाट काराेवार शुरू गरेको बताउनुभयाे ।
बागलुङ नगरपालिका वडा नम्बर ३ मा रहेको आफ्नो पुरानो भवन भत्काएर नयाँ भवन बनाउन ३ करोड ४२ लाखमा टेण्डर भएकोमा २ करोड ३६ लाख ४२ हजार १ सय ४२ रूपैयाँकाे लागतमा भवन सम्पन्न गर्ने जिम्मेवारी डेव एण्ड सायर तिलक जेबी निर्माण कम्पनीले गरेकाे शाखा प्रबन्धक अमृत शिवाले जानकारी गराउनुभएकाे थियो ।
कार्यक्रममा बागलुङ नगरपालिकाका नगर प्रमुख बसन्त कुमार श्रेष्ठ ,नेपाल बैंक लिमिटेडका प्रमुख कार्यकारी अधिकृत कृष्णबहादुर अधिकारी ,प्रमुख जिल्ला अधिकारी रमेश ढकाल ,नेपाल बैंक लिमिटेड प्रादेशिक कार्यालय पाेखराका प्रमुख प्रतिमा श्रेष्ठ , काठेखाेला गाउँपालिकाका उपाध्यक्ष तिलक थापा ,बागलुङ उद्योग बाणिज्य संघका अध्यक्ष युवराज राजभण्डारी ,धाैलागिरि प्राविधिक शिक्षालयका श्रीप्रसाद शर्मा ,लगायतका बक्ताहरूले नेपाल बैंक लिमिटेडकाे सेवा अन्य बैंकको तुलनामा छिटो छरितो र भरपर्दो हुनुपर्ने धारणा राखेका थिए ।
नेपाल बैंक लिमिटेडले स्थानीय तहमा निर्वाचित जनप्रतिनिधिहरू लाई खादा र अबिर लगाएर सम्मान तथा स्वागत गरेकाे थियो ।
आफ्नो सुविधासम्पन्न भवनबाट नयाँ एटीएम सेवा ,लकर सेवा ग्राहकलाई पार्किङ सुविधा समेत भएको कारण हिजोको दिनमा जस्तो झन्झट ब्यहाेर्न नपर्ने शाखा प्रबन्धक शिवाले बताउनुभयो । बागलुङ शाखामा २१ जना कार्यरत छन् ।
नेपाल बैंक लिमिटेडकाे देशभर २१३ शाखा १४८ एटीएम ५० वटा एक्टेन्सन काउन्टर ,२० लाख ग्राहक रहेकोमा नेपाल बैंककाे बागलुङ शाखामा २१ हजार ग्राहक रहेका छन् । नेपाल बैंक बागलुङ शाखा नेपाल बैंकले आफ्नो शाखाहरूलाइ बिभाजन गरेको घ बर्गकाे शाखाहरूमा दुई पटक उत्कृष्ट शाखा बाट सम्मानित भइसकेकाे छ । बागलुङ सदरमुकाम सहित गलकाेट नगरपालिका र ढाेरपाटन नगरपालिकामा बैंकको शाखा रहेको छ । बागलुङमा अहिले दुई दर्जनभन्दा बढी निजी क्षेत्रका बैंकले आआफ्नो ग्राहकसंग काम काराेवार गर्दै आएका छन् ।
