काठमाडौं भदौ १९ समाजमा रहेका जेष्ठ नागरिक संस्था प्रति सरकार लगायत सराेकारवालाले बेवास्ता गरेपछि काठमाडौ चन्द्रागिरि नगरपालिकाका जेष्ठ नागरिक संस्था श्रीमद्भागवत ज्ञान महायज्ञ लगाएर आफ्नो भवन बनाउन कम्मर कसेर अगाडि बढेको छ ।
चन्द्रागिरि नगरपालिका वडा नम्बर ६ स्थित श्री चन्द्रागिरि जेष्ठ नागरिक समाजले आयोजना गरेको श्रीमद्भागवत सप्ताह ज्ञान महायज्ञ तथा चन्द्रागिरि जेष्ठ नागरिक समाज धार्मिक महोत्सव २०८१ काे सम्पूर्ण तयारी पूरा भएको छ ।
चन्द्रागिरि जेष्ठ नागरिक समाजलाई जग्गा खरिद गरेर भवन निर्माणार्थ आयोजना गरिएको श्रीमद्भागवत सप्ताह ज्ञान महायज्ञकाे पहिलो दिन शाेभा कलश यात्रा गरेर महायज्ञ प्रारम्भ गरिने भएको छ ।
भाद्र २० देखि २८ गतेसम्म चन्दनभर्राटेश्वर महादेव मन्दिरको प्रांगणमा हुन गइरहेको श्रीमद्भागवत महायज्ञ धार्मिक महाेत्सव भब्य रूपमा सफल बनाउन सम्पूर्ण नगरवासीहरूलाई चन्द्रागिरि नगरपालिका वडा नम्बर ६ का वडा अध्यक्ष सन्जय सिग्देलले बताए ।
