बाल्यकाल रमाइलो मात्र होइन, जीवनभर सम्झन लायक पनि हुन्छ। विशेषगरी गाउँघरमा हुर्किएको जीवनले प्रकृतिसँग अझ नजिक रहने अवसर प्रदान गर्छ। यिनै बाल्यकालीन सम्झनाका तरेली र त्यतिबेला लागेका पिरतीलाई गीतमार्फत प्रस्तुत गरिएको छ।
भर्खरै सार्वजनिक गरिएको भाइरल गायिका मिठु चेपाङ र गायक रमेश विक्रम रत्नको “तोरी फुलेको” गीतले बाल्यकालको मीठो झल्को दिलाएको छ। बाल्यकालको छुट्टै आनन्द र त्यही समयमा लागेको प्रेमलाई सम्झँदै दीपक शाहीले गीतका शब्द कोरेका हुन् भने संगीत गायक रमेश विक्रम रत्नकै रहेको छ।
गीतको म्युजिक भिडियोमा भाइरल गायिका मिठु चेपाङ र गायक रमेश विक्रम रत्नको स्वर सुन्न सकिन्छ। भिडियोमा मिठु चेपाङ, रमेश विक्रम रत्न, जय ओली, गोविन्द, अनिता र जीविताको मुख्य भूमिका रहेको छ।
म्युजिक भिडियोको निर्देशन रमेश परियारले गरेका हुन् भने छायाङ्कन बिरेन्द्र परियार र सम्पादन राजकुमार मगरले गरेका छन्। उक्त म्युजिक भिडियो रमेश परियार अफिसियल युट्युब च्यानलमार्फत सार्वजनिक गरिएको हो।
