डोटी, २०८२ जेठ ३ गते
नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’को नेतृत्वमा गठन गरिएको मध्यपहाडी लोकमार्ग अभियान टोलीले डोटी जिल्लामा विभिन्न कार्यक्रम सम्पन्न गरेको छ।
कार्यक्रम अन्तर्गत टोलीले राजपुरस्थित शहीद स्मृति आवासीय विद्यालयको निरीक्षण तथा विद्यार्थीहरूसँग भेटघाट गरेको छ। विद्यालय अनुगमनका क्रममा टोलीले शिक्षण-शिक्षणको अवस्था, भौतिक पूर्वाधार र विद्यार्थीहरूको शैक्षिक गतिविधिबारे जानकारी लिएको थियो।
यसैक्रममा टोलीले शहीद परिवारसँग पनि विशेष भेटघाट गरेको छ। बिहानै शहीद परिवारसँग खाजा ग्रहण गरेपछि औपचारिक रूपमा अन्तर्क्रिया गरिएको हो। भेटघाटमा शहीदहरूको योगदान र वर्तमानमा उनीहरूका परिवारका समस्याबारे छलफल भएको थियो।
कार्यक्रमले शहीदहरूप्रति सम्मान व्यक्त गर्नुका साथै शैक्षिक संस्था र समुदायसँगको सहकार्य विस्तार गर्ने उद्देश्य राखेको बताइएको छ।
